you.......


its raining flowers in my life.....
fragrance has taken over me and my life......
entering my heart...blooming in my eyes....
you are a moon growing on me and taking over me.......
if water evaporates to become clouds are you that blue fire......

Am i turning sweet falling into the fire of love..........

ഏതോ യാത്രയില്‍ കണ്ടും, കഥകള്‍ചൊല്ലിയുമേറെയടുത്തവരെങ്കിലും.......
                        നാം  പഥികര്‍.........
ഇനിയും  പോകുവതിന്നായ്‌  പാതകള്‍ ഏറെ ഉണ്ടെന്നാലും......
ഈ വഴിയില്‍ നാം..... വഴിയറിയാതെ  നില്‍പ്പോര്‍....!
ശൂന്യത പേറും മനസ്സില്‍... മൂകത മാത്രം കൂട്ടിന്...

ഇരുളില്‍,  ദുര്‍ബലപാതകള്‍ താണ്ടാന്‍ , ഏതു വെളിച്ചം തേടണമിനി  നാം....
പറയാന്‍ ഏറെ ഉണ്ടെന്നാലും, ഇല്ലൊരു വാക്കും ചൊല്ലീടാനായി...
പലകുറി ചൊല്ലിയ വാക്കിന്‍ ചുഴിയില്‍,
മുങ്ങി മരിക്കുകയാണിന്നീ  ഞാന്‍....

ഈ മണ്ണില്‍ നടമാടും ജീവിതത്തില്‍
ഇനിയുമൊഴുക്കുവാന്‍ കണ്ണീരുണ്ടോ
ദു:ഖത്തില്‍ ദുരിതത്തില്‍ ഉഴലുന്നു ഞാന്‍
ദുര്‍വിധിക്കെപ്പോഴും സഹചാരി ഞാന്‍

കാണാത്ത വില്ലന്‍റെ വിളയാട്ടത്തില്‍
കാണാതൊളിക്കുന്നു ഞാനെപ്പോഴും
എന്നാലുമെന്നാലുമെന്നാളും ഞാന്‍
എല്ലാമറിഞ്ഞോണ്ട് ചിരിച്ചീടുന്നു

ഈ ലോക ജീവിതനാടകത്തില്‍
സമ്മാനം നോക്കാതെ നടിക്കുന്നു ഞാന്‍
ഒരു നാളില്‍ ലഭിക്കുന്ന സമ്മാനമോ
ഒരു നോക്കു കാണുവാന്‍ ഞാനില്ലപ്പോള്‍

കാണാത്ത സമ്മാനം കണ്ടിട്ടപ്പോള്‍
നാട്ടാര്‍ പുകഴ്ത്തുന്നു നല്ലവന്‍ ഞാന്‍
അതു കേള്‍ക്കാന്‍ ഞാനില്ലയെന്ന സത്യം
അറിഞ്ഞോണ്ടു പറയുന്നു നല്ലവന്‍ ഞാന്‍

ഇവര്‍ നല്‍കും ഈ ഹാസ്യ സമ്മാനങ്ങള്‍
കാണാതെ പോയതാണെന്‍റെ ഭാഗ്യം
ഈ ജന്മം കിട്ടാത്ത സമ്മാനങ്ങള്‍
മറുജന്മം കിട്ടുമ്പോളെത്ര ദു:ഖം

മാനവ ജന്മം പുണ്യ ജന്മം
ആ ജന്മം നന്നായി ജീവിക്കുക

അറിയുന്നു ഞാന്‍ നിന്നെ, അന്തിതുടിപ്പോടെ, അകലുന്ന സൂര്യന്‍റെ ദുഖമോടെ...
നിറയുന്നു നീയെന്നില്‍ നിറമാര്‍ന്നോരക്ഷര സ്വപ്നമായ്‌, സംഗീതമായി.....
തെളിയുന്നു നീ കൃഷ്ണശിലതന്‍ അധരത്തിലെരിയുന്ന  തിരിനാളമായി......
നീ നിറഞ്ഞൊഴുകുന്നു ഹര്‍ഷമോടെ  വര്‍ഷ സംഗീതമായ് സരിത്തായി.....

തകരുന്ന നെഞ്ചിലെ താളമായി താരാട്ടുപാട്ടായ്‌ നീ അണയുന്നു.....
കത്തിജ്വലിക്കുന്ന വേനലിലെ കണിക്കൊന്നയായി നീ ചിരിക്കുന്നു....
കാറ്റിന്‍റെ പാട്ടിനോത്താടുന്ന തിരികള്‍തന്‍ രാഗമായ്‌  നീ മാറിടുന്നു......
ഒരു ചുംബനത്തിന്റെ മധുവൂറും ഓര്‍മ്മയില്‍ നിന്നെ ഞാന്‍ തേടിയെത്തുന്നു.....

ഒരു വസന്തത്തിന്‍റെ പ്രഭയാര്‍ന്ന ചിന്തയില്‍ നിന്നെഞാനോര്‍ത്തിരിക്കുന്നു......
ആരോരുമറിയാത്ത ഒരു പ്രണയത്തിന്‍റെ  മുറിവേകി നീ അകലുമ്പോള്‍.....,....
ഏകാന്തമെന്‍ ഹൃദയത്തിലിന്നും  നിന്നോര്‍മ്മ നൃത്തമാടുന്നു.....
ഒടുവിലെന്‍  സ്വപ്നങ്ങളെല്ലാം  കവര്‍ന്നുനീ....എന്നില്‍ നിന്നോടിയകലുംബോള്‍....,..




ഇനിയും......പറയുവാന്‍...........കഴിയാത്ത.....പ്രാണന്‍റെ

നോവില്‍........... ഞാന്‍....... നിന്നെയറിയുന്നു.........

                                                                              അനീഷ്‌ ശിവരാമന്‍...

മഴപോല്‍ മറ്റൊന്ന്, നീ മാത്രമാണ്....
പ്രണയത്തിന്‍റെ  പെരുമഴതുള്ളിയാല്‍,....
അകവും,പുറവും  നനച്ച്, നീയെന്നില്‍ ,...
മഴപ്പാട്ടിന്‍റെ  നിര്‍വൃതി തീര്‍ക്കുന്നു.....

സൂര്യന്‍ കരിച്ചിട്ട ഭൂമിയിലേക്ക്‌....,...
ഊര്‍ന്നു  വീഴുന്ന  നീര്‍ക്കണങ്ങള്‍
മണ്ണിനെ തൊടുമ്പോള്‍ അറിയുന്ന ആനന്ദം ,..
ഞാന്‍ നിന്‍റെ സ്പര്‍ശത്തില്‍  അറിയുന്നു....

കറുത്ത പാതിരാവിലും ഞാന്‍ ഉറങ്ങാതെ , കാഴ്ചകള്‍ കാണുകയാണ്..
പുളിയിലകളില്‍ നൃത്തം ചെയ്തും , മരച്ചില്ലകള്‍ വിറപ്പിച്ചും....
കാറ്റിനൊപ്പം  പെയ്തിറങ്ങുന്ന, പെരുമഴക്കാഴ്ചകള്‍.......,....

മറവിയെടുക്കാത്ത  ഓര്‍മ്മയാണു  നീ.......
പുതുമഴതൊട്ട്,   പെരുമഴയോളം .....
പുല്‍നാമ്പുകള്‍പോലെ  ഒട്ടിച്ചേര്‍ന്ന്..
മരവിച്ചു കിടന്നത്  ഓര്‍മ്മകളാണ്....
ഒളിച്ചു പോയ മഴതുള്ളിക്കൊപ്പം , ഒഴുകാതെ പോയ ഓര്‍മ്മകള്‍.....,....

                                                                                    അനീഷ്‌  ശിവരാമന്‍.,.

ആകാശത്തിലെ  അനന്തം നക്ഷത്രങ്ങള്‍ക്കിടയില്‍ ,

എന്നെ മോഹിപ്പിച്ചത് നീയായിരുന്നു......

നിന്‍റെ മിഴിയിലെ നനവ്‌, എന്റെതാണെന്ന് നിനച്ചു.,

ഏവരും നിദ്രപൂകുന്ന രാവില്‍ ,നിന്നെയും നോക്കിയിരുന്നു,

നിശ്ശബ്ധമായ നിന്‍റെ  തേങ്ങലുകള്‍ക്ക്, ഒടുക്കമുണ്ടാകണമേയെന്നു, പ്രാര്‍ഥിച്ചു !!!

ആകാശത്തിന്‍റെ  അനന്തതയില്‍,  എനിക്ക് പേര്‍ ചൊല്ലി വിളിക്കാന്‍ 

നീ മാത്രം..........

ഈ ഭൂമിയിലേക്ക്‌ നിന്നെ ഞാന്‍ വിളിക്കുന്നില്ല,-

എന്‍റെ ലോകം ദുഖവും,അശാന്തിയും , നിറഞ്ഞതാണ്.,,

നിനക്ക് രാത്രി ഉണര്‍ന്നിരിക്കാനും, പകല്‍ ഉറങ്ങാനും കഴിയുന്നു,,,,

എന്നാല്‍, രാവുകളില്‍   നിന്നെ നോക്കിയും, 

പകല്‍, നിന്നെക്കുറിച്ചോര്‍ത്തും..,

ഞാന്‍ , നിര്‍നിദ്രനാകുന്നു.

നിന്നെ നോക്കി കാഴ്ച്ച നഷ്ട്ടപ്പെട്ട കണ്ണുകളും, 

നിന്നെക്കൊതിച്ചു, തകര്‍ന്ന ഹൃദയവുമായി,

പറയാന്‍ വാക്കുകളില്ലാതെ......... ഞാന്‍..!!!!!

ഒരിക്കല്‍ നക്ഷത്രമായി ,,, ഞാന്‍  പുനര്‍ജനിക്കും........

അന്ന് ആകാശവീഥിയില്‍ വെച്ച് ,

ഭൂമിയിലെ കഥകള്‍ ഞാന്‍ കാതില്‍  നിമന്ത്രിക്കും,,

അതുവരെ  ഈ  മൌനവും പേറി ,  യാത്ര  തുടരുക.......!!!!

നീ.... എവിടേക്ക്   പോകുവാന്‍?

വിരലുകള്‍ക്ക്‌ സ്പര്‍ശമായും,
കണ്ണുകള്‍ക്ക്‌  കാഴ്ചയായും,
കാതുകള്‍ക്ക് സ്വരമായും,
ചുണ്ടുകളില്‍  മധുരമായും,
ആത്മാവില്‍  സുഗന്ധമായും,
എപ്പോഴും  എന്നോടൊപ്പമുണ്ട്...............


തന്ത്രികളില്‍  നാദം  പോലെ..........

പ്രാണനില്‍  മയങ്ങിക്കിടക്കുമ്പോള്‍.....,........


നീ..............................

എവിടേക്കുപോകുവാന്‍.....,.........????